Estatu Batuetako artista larunbateko kartel burua izango da ekainaren 26an. Audience eta Bronze taldeek bost izen berrien zerrenda osatzen dute. Hurrengo egunetan kartela osatzen duten bandak iragarriko dira.
Bob Dylan Azkena Rock Festival 2010-eko larunbateko izen nagusia izango da, ekainak 26. Bere hastapenetatik, Estatu Batuetako folk eszenan 60ko hamarkadaren hasieran, Dylan musikaren historiako artista handienetarikoa izan da, bere abestien milaka bertsio egin dira eta ezinbesteko eragina izan egin du gaur egungo rock musikan. ‘Like A Rolling Stone’, ‘Knockin’ On Heaven’s Door’, ‘Blowin’ In The Wind’ edo ‘Hurricane’ bezalako abestiak musikari zein zaletuen hamaika belaunaldi lagundu eta inspiratu dituzten klasikoak dira.
Bob Dylanekin batera, larunbatean Bad Religión taldea izango dugu. Kaliforniarrak Azkena Rock-era itzuliko dira 2005ean eskaini zuten kontzertuaren ondoren. Bad Religion 80ko hamarkadaren hasieran sortu zen eta Estatu Batuetako punk-rockean eragin zuzena izan duen taldea izan da. 2010ean disko berria kaleratuko dute. Larunbatean ere gernikako Audience izango dugu, euskal panoramako talde miretsia, ‘A Shake In Calm Water’ disko berriko abestiak aurkeztuko duena.
Drive-By Truckers-en europar bira bertan behera
Hiru izen berri hauekin batera, baja bat ere egon da larunbateko kartelan, Estatu Batuetako Drive-By Truckers taldeak europar bira osoa bertan behera utzi baitu.
Era berean, ostegunean, ekainak 24, New Yorkeko The Hold Steady izango dira Azkena Rock jaialdian. Punk-rock, hip-hop edota folk musikaren eraginak dituen laukote honek lau estudioko disko ditu eta maiatzean bosgarrena argitaratuko du. Egun berean Bronze gasteiztarrak ikusiko ditugu.
Hurrengo egunetan Azkena Rock Festival-eko bederatzigarren edizioaren kartela osatuko dituzten taldeak iragarriko dira.

OSTEGUNAK 24:
GOV´T MULE
AIRBOURNE
THE HOLD STEADY
KITTY, DAISY & LEWIS
THE BLACK LIPS
THE JIM JONES REVUE
TH´ LEGENDARY SHACK SHAKERS
BASKERY
BRONZE

 

 

 

 OSTIRALAK 25:
KISS
THE DAMNED
IMPERIAL STATE ELECTRIC
THE SAINTS
TEDDY THOMPSON
IMELDA MAY
EL VEZ
THE RUSSIAN ROULETTES
DAN BAIRD N´ HOMEMADE SIN
THE HOT DOGS!
´77

 

 

LARUNBATAK 26:
BOB DYLAN
THE HIVES
CHRIS ISAAK
BAD RELIGION
NRBQ
TOILET BOYS
MAGGOT BRAIN
AUDIENCE

 

 

 

 

 

 

SARRERAK
Hiru egunetarako bonoa
90€ + Banaketa gastuak
Ekainak 24, osteguna
35€ + Banaketa gastuak
Ekainak 25, ostirala
Ekainak 26, larunbata
48€ + Banaketa gastuak
Online salmenta: http://www.ticketmaster.es/Azkena-Rock-Festival-10-entradas/artist/1018855

Informazio gehiago: www. http://www.azkenarockfestival.com/arf/2010/