Egia al da porruek tabakoaren eragina handitzen dutela?
Ez dago erabat frogaturik hori horrela den edo ez, baina egia da porru batean gauza biak dituzula: tabakoa eta kanabisa, alegia, adiktibo eta guzti. Tabakoak, gainera, erraztu egiten du kanabisa, eta kanabisaren deribatuak, erre eta inhalatzea, eta horiek, gas guztien moduan, azkarrago dabilzkigu gorputzean eta azkarrago iristen zaizkigu burmuinera. Hainbatentzat nekezagoa zaie porruei uztea, tabakoari uztea baino; beste hainbat porruak erretzearen poderioz egin dira tabakoaren mendeko; eta hirugarren batzuek, azkenik, porruak errez asebetetzen dute tabakoa erre beharra.
Edonola ere, gomendatzen dizugu, ahal duzun neurrian behintzat, kanabisa eta taboakoa batera ez hartzea eta porruak ez erretzea zigarrotxoak balira bezala: ez dituzu zertan erre has eta buka, etenik gabe. Ez zigarroari eman sakatu luze indartsurik, ez hatsa zintzilik atxiki, horrela galipota birikietan metatzea besterik ez baituzu lortuko.