CREW ACTIVA: KULTURA LIBRE ETA ARTE INDEPENDENTEAREN ALDEKO ELKARTEA
Crew Activa musikari gazteen elkartea da. Nolabaiteko lotura dute denek Portugaleterekin, elkartea bera “Portugalete Uri Urena” Gazteen Musika Taldeen II. Lehiaketatik jaio baitzen, kulturaren alderdi guztiak sustatu eta garatu nahian.
Helburu horri begira, bada, hasierako proiektua prestatu dute, hainbat ekintza hartzen dituena: besteak beste, arte-emanaldiak antolatzea, musika banda hasi berriak sustatzea edo prestakuntza-lantegiak edo hitzaldi didaktikoak egitea.
Crew Activa elkarteak beste elkarte edo entitate batzuekin batera, lankidetzan, jardun nahi du, jai, kultur edo gizarte jarduerak antolatzean, beti ere asmo nagusia delarik kultura eta artea sustatzea, ez irabazi-asmorik ez eta joera politiko nabarmenik gabe ere.
Portugaleteko Udalaren Hezkuntza eta Gazteria Sailak, gazteen ekimenak eta udalerriaren gizarte eta kultur bizimoduan parte har dezatela bultzatu nahian, lagundu egin nahi dio hala elkartea sortzeari nola haren proiektuari, irabazi gabe egin nahi baitu gazteen arte zaletasunaren alde.
Crew Activa elkartea, beraz, 2011ko otsailaren 4an aurkeztuko dugu, 19:00etan, Portugaleteko Gazte Gelan. Aurkezpenaren ekitaldi hau jai ekitaldia izango da gehienbat: Stereal taldeak, “Portugalete Uri Urena” Gazteen Musika Taldeen II. Lehiaketako irabazleetako batek, kontzertu akustikoa eskainiko digu eta, horretaz gain, pintxo batzuk dastatzeko aukera ere izango dugu.
Crew Activak Gazte Gelan egiteko prestatu dituen aurreneko ekitaldiak musika orientaziorako lantegia (martxoak 4) eta musika instrumentuak eskuratzeko lantegia (martxoak 25) izango dira, biak 19:00etatik 21:00etara. Beharrezkoa da aldez aurretik izena ematea.
Argibide gehiagorako:
Gazteentzako Informazio Bulegoa
Martín Fernández Villarán kalea z. g.
94 472 93 13 / juventud@portugalete.org
Astelenenetik ostiralera, 11:00etatik 14:00etara eta 17:00etatik 19:00etara
Gazte Gela
Maestro Zubeldia kalea z. g.
94 461 66 38 / aulajoven@portugalete.org
Astelenenetik ostiralera, 16:00etatik 21:00etara.Larunbatetan, 10:00etatik 13:30era eta 16:00etatik 21:00etara.