Florence and The Machine, Bilbao BBK Liveko azken kartelburua

Gainera, Childish Gambino, Cigarettes After Sex, Mount Kimbie, Hot Chip Megamix, Friendly Fires eta beste hainbat talderen zuzenekoak iragarri dituzte eta egun bakoitzeko egitaraua zehaztu dute.

Florence and The Machine taldea izango da osteguneko kartelburua Bilbao BBK Live jaialdian. Espainiako Estatuan aurten emango duen zuzeneko bakarra izango da Bizkaiko hiriburukoa. Hori, ostera, ez da antolatzaileek gaur egindako iragarpen bakarra izan: Childish Gambino, Cigarettes After Sex, Mount Kimbie, Hot Chip Megamix eta Friendly Fires nazioarteko taldeak gehitu dituzte egitaraura, baita Euskal Herriko zenbait musikari ere. Dakizuenez, uztailaren 12tik 14ra egingo dute aurtengo edizioa Kobetamendin.

Esan bezala, egitaraua itxitzat eman dute eta kontzertuen eguneko banaketa ere zehaztu dute, jaialdia ospatzeko bost hilabete falta diren arren.

Sarrerak

135 euroan egongo da salgai hiru eguneko bonua, martxoaren 6ra arte. Hilaren 7tik aurrera, 155 eurora igoko dute hiru eguneko txartelaren prezioa.

Bestalde, eguneko sarrerak 60 euroan eskura daitezke.

Emanaldi gehiago

Besteak beste, Gaz Coombes, Porches, Fat White Family, Sophie, Let’s Eat Grandma, Meute, Maria Arnai eta Marcel Bages, Bad Gyal, Neuman, Bejo, Gengahr, Nilufer Yanya, Anteros, Morgan, Ed Is Dead, Las Odio, Nunatak, The Zephyr Bones, Greenclass taldeak gehitu dituzte azken orduotan egitaraura.

Euskal musikak ere izango du lekua Kobetamendin. Iseo & Dodosound nafarrak, Joe La Reina donostiarrak, Rural Zombies zestoarrak, Lukiek hirukote bizkaitarra eta Pet Fennec izango dira protagonista BBK Liven.

Egitaraua, egunez egun Uztailak 12, 13 eta 14

Uztailak 12, osteguna

FLORENCE + THE MACHINE/ALT-J/CHILDISH GAMBINO/BOMBA ESTÉREO/CIGARETTES AFTER SEX/MOUNT KIMBIE/BAD GYAL/GAZ COOMBES/ISEO & DODOSOUND WITH THE MOUSEHUNTERS/PARQUET COURTS/TEMPLES/ED IS DEAD (LIVE BAND)/LET’S EAT GRANDMA/LUKIEK/MARÍA ARNAL I MARCEL BEGÉS/MELENAS/MORGAN/QUENTIN GAS & LOS ZÍNGAROS/RURAL ZOMBIES/EDU ANMU/INNMIR

Basoa: MODESELEKTOR dj set/ PROSUMER/ OPTIMO/ SKATEBARD/ CORA NOVOA

Uztailak 13, ostirala

THE XX/THE CHEMICAL BROTHERS/DAVID BYRNE/FRIENDLY FIRES/FAT WHITE FAMILY/MEUTE/MEXRRISSEY/NEUMAN/PORCHES/SOPHIE/ANTEROS/BORROKAN/CAROLINA DURANTE/CECILIA PAYNE/GENGAHR/ NUNATAK/PET FENNEC/DARK DJ/HAL9000/ROCK NIGHTS

Basoa: BEN UFO/ HUNEE/ AVALON EMERSON/ DEKMANTEL SOUNDSYSTEM/ DJ FRA

Uztailak 14, larunbata

GORILLAZ/NOEL GALLAGHER’S HIGH FLYING BIRDS/BENJAMINE CLEMENTINE/FISCHERSPOONER/HOT CHIP MEGAMIX/JAMES/JUNGLE/ANA CURRA/BEJO/COOPER/NILÜFER YANYA/TRIÁNGULO DE AMOR BIZARRO/YOUNG FATHERS/ANEGURIA/GREENCLASS/JOE LA REINA/LAS ODIO/THE ZEPHYR BONES/YONAKA/DANILESS/DJ MATO/DJ GÖO

Basoa: JOHN TALABOT/ANTHONY/NAPLES/YOUNG MARCO/ SAMO DJ/ DANIEL BAUGHMAN

INFORMAZIO ITURRIA: www.eitb.eus