Portugaleteko Udalaren Hezkuntza eta Gazteria Sailak, aurreko bederatzi urteetako arrakasta ikusita, aurten ere antolatu du "Portugalete eta Gazteria" IX. Argazkigintza Lehiaketa, asmoa delarik neska-mutilen arte-sormena piztea eta udalerrian gazteentzako jarduerak sustatzea. Argazkiek neska-mutilek Portugaleteko udalerriarekin duten harremana agertu beharko dute.

Aurtengo edizioan argazkiak aurkezteko epea irailaren 30etik urriaren 31ra egongo da zabalik. Lehiakideen artean bi kategoria ditugu: batetik, 1983tik 1995era bitartean jaioak, eta bestetik, 1996tik 1999ra bitartekoak.

Argazkiak kamera digitalaz zein analogikoaz egin daitezke. Hala eta guztiz, argazki guztiak modalitate bakarrean lehiatuko dira. Oraingo edizio honetan sariak guztira 1.200 eurokoak izango dira.

Sari-banaketa 2013ko azaroaren 16an egingo dugu 12:00etan Gazte Gelan. Aurkezten diren argazkiak Gazte Gelan erakustiko ditugu 2013ko azaroaren 30era arte.

Oinarri-arauak www.juventudportugalete.org webgunean daude eskuragarri.

Argibide gehiagorako:
Gazteentzako Informazio Bulegoa
Martín Fernández Villarán kalea z.g.
94 472 93 13 / juventud@portugalete.org
Astelehenetik ostiralera 11:00etatik 14:00etara eta 17:00etatik 19:00etara
Gazte Gela
Maestro Zubeldia kalea z.g.
94 461 66 38 / aulajoven@portugalete.org
Astelehenetik ostiralera 16:00etatik 21:00etara
Larunbatetan 10:00etatik 13:30era eta 16:00etatik 21:00etara

IX. ARGAZKI LEHIAKETAREN ARAUAK
INSKRIPZIO ORRIA – BAIMENA ADINGABEARENTZAT