Osasunez Hazi izenarekin, ikasturte honetan abian jarri da Portugaleteko eta
Lehen Hezkuntzako hirugarren, laugarren eta bosgarren mailetako
haurrentzat ingurune seguruagoa eta osasungarriagoa sortzeko programa.
Norberaren eta gizartearen garapenari lagunduz, ohitura osasungarriak eta
kaltegarriak identifikatuz eta ohitura onak sustatuz.

Portugaleteko Lehen Hezkuntzako 7 ikastetxetako ikasleek (Maestro
Zubeldia, Ruperto Medina, Gabriel Celaya, Karmengo Ama, Asti Leku,
Kanpazar eta Virgen de la Guía) horma-irudiaren/collagearen artea, mozteko
eta itsasteko artea aurkitzeko aukera izan dute. Esperientzia hori ikasleen
ongizatea eta osasuna ikasgelan lantzeko aukera gisa planteatu da, collagearen/horma-irudiaren bidez beren barne-munduarekin eta irudimenarekin konektatuz.

Horrela, aipatutako ikastetxeetako 30 ikasgelatako 492 ikaslek parte hartu dute.

Nola lan egin dute ikasgelan?

Lehenik eta behin, hainbat ohitura aurkeztu behar dira, pantaila digitalen
laguntzarekin arriskuei buruzko kontzientzia handitzeko, eta elkarrizketaingurune bat sustatu behar da, non beren burua adierazi eta beren
esperientzia pertsonalak kontatu ahal izan dituzten, beste pertsonengandik ikasteko eta ideia berriez hornitzeko.

Bigarrenik, koloretako paperak eta guraizeak erabili dituzte, hormetan itsatsiz
joan diren ohituren imajinario bat sortuz. Batzuetan banaka eta beste batzuetan
taldeka.

Hirugarrenik, horma-irudiaren aurrean joan dira, gainerako ikaskideen aurrean adierazteko zer ohitura irudikatu dituzten eta zergatik. Ekintza horrek
jendaurreko azalpenera eramaten ditu, ahozko adierazpena euskaraz
praktikatuz, eta lotsa gainditzeko eta beldurra kentzeko modua azalduz.

Erakuzketa.

Gaur aurkezten dizuegu egindako lana, erakusketa moduan, 20 horma-irudi
dituena. Erakusketa otsailaren 21era arte egongo da zabalik hemen, Santa
Klaran.

Horma-irudi horiek ikastetxe parte-hartzaile bakoitzean azaldu dira, eta orain
herritar guztiei erakusteko unea iritsi da.