Informazio-iturri: www.egk.org
Gazteentzako enplegua… ZEREN TRUKE?
 
Gazte askok bizi ditugun lan-baldintza penagarriekin nekatuta? Zatoz zure ahotsa entzunaraztera! Enplegu duinen alde lan egiteko,  azken urtean hainbat gazte eta elkarte biltzen aritu gara, hainbat topaketa irekietan:

ZER EGITEN DUGU: gazteontzako enplegu duina sustatzeko gazteok martxan jarri nahiko genituzkeen ideia, ekimen eta proiektuak batzen ditugu, eta Administrazioak normalean garatzen dituen planen aurrean gazteok planteatzen ditugun alternatiba eta ideiak plazaratzen ditugu ere. 
 
ZERTARAKO EGITEN DUGU: gure ikuspuntu eta proposamenak politikariei helarazteko eta, nola ez, gizarteari helarazteko, gazteon ahotsa entzun dadin.
 
ZERGATIK EGITEN DUGU: "gazteon enplegua sustatu" nahi denean beti proposatzen dizkigutelako neurri berberak: prekarietatea sustatzen duten kontratazio formulak (praktikak, beka laboralak…, autoenplegua, atzerrira joatea edo formatzen jarraitzea. Eta aldiz, gazteon prekarietatearen aurka eta enplegu duinaren alde egiten duten formularik ez delako aurkezten… "gazteak zarete, zoazte atzerrira", "zuek, gazteek, behar duzuena praktikak dira", "gazteentzako, kontratazio merkeagoa planteatu beharko litzateke"… gazteak gara, eta enplegu duina nahi dugu.
 
NOIZ: urtarrilaren 23an, osteguna, 18.00etan.
NON: Gazteriaren Kontseiluko Bilboko egoitzan (Autonomia kalea, 44, behea).
NOR: gazteak, gazte elkarteetako kideak, gazte eragileak… zu!
 
Orain arte egindako lanaren berri izan nahi baduzu (hemen zati bat, edo existitzen diren gazteentzako enplegu neurrien informazioa nahi baduzu, bizibaldintzak@egk.org helbidean edo 945.22.06.01 jar zaitezke gurekin harremanetan.

Orain arte egindako lana gustu handiz partekatuko dugu zurekin!