Marina Lameiroren bigarren film luzeak Berri Txarrak taldeak munduko hainbat txokotako jarraitzaileengan utzitako arrastoa du erakusgai.
“Dardara” Marina Lameiro nafar zinemagileak Berri Txarraken “Ikusi Arte” agur biran filmatutako pelikula martxoaren 19an iritsiko da zinema aretoetara, aste horretan bertan, martxoaren 15ean, Punto de Vista Nafarroako Zinema Dokumentalaren Nazioarteko Jaialdiaren 15. edizioa zabaldu eta gero.
2019an, bere 25 urteko ibilbidearen une arrakastatsuenean, Berri Txarrak rock taldeak etenaldi mugagabea iragarri zuen, eta biran aritu zen urte horretan zehar, mundu osoko jarraitzaileak agurtzeko.
Marina Lameiro zinegileak bertatik bertara jarraitu zuen bira hori eta bertan jasotakoak, nola jarraitzaileen lekukotasunak hala Gorka Urbizu taldeko gitarrista eta abeslariaren hausnarketak.
EITBren parte-hartzea duen filmaren egileen hitzetan, “Berri Txarrakek utzitako arrastoa ikusiko dugu, nola lortu duten estilo bat —rocka—, hizkuntza bat —euskara— eta belaunaldi bat —bere kideena— gaindituz, fenomeno unibertsal bihurtzea”.
Bilboko
erdigunea hartuko du aurten ere musika jaialdiak. 40 kontzertu baino gehiago,
eta doako ekitaldi ugari antolatu dituzte ekimenaren bosgarren edizioan.
BIME CITY jaialdiaren bosgarren edizioak 40 kontzertu baino gehiago eta doako jarduera
ugari ekarriko ditu Bilbora, urriaren 30ean eta 31n. Horrez gain, BIME PRO
kongresuak 20 hizlari baieztatu ditu.
El Columpio Asesino talde nafarra izango da BIME CITYko
kartelburuetako bat. Kontzertua doakoa izango den arren, BIMEren webgunean
eskuragarri dagoen gonbidapena beharko da BBK Live aretora sartzeko.
Halaber,
Desorden Público
talde venezuelarra ez ezik, Nøgen,
Liher, Grande Days, Hakima Flissi eta Joseba Irazoki eta Lagunak
ere arituko dira zuzenean Bizkaiko hiriburuan. Besteak beste, La Habitación
Roja, Lina & Raül Refree, Cave Story, Beverly Kills, Someone, Primas
Hermanas, Edsun, Otha, Yawners edo Hickeys taldeek osatuko dute kartela.
Kafe
Antzokia, Stage Live, Shake!, Muelle, La Ribera, Azkena, BBK aretoa, Bilborock,
Coppola eta Azkuna Zentroa aretoek hartuko dituzte zuzenekoak.
Familia jarduerak
Kontzertuez
gain, familia jarduerak antolatu dituzte Azkuna Zentroko aretoetako batean,
etxeko gazteenek musikaz, arteaz eta teknologiaz modu dibertigarrian gozatzeko.
BIME CITY
Urriak 30
CAVE STORY
DESORDEN PÚBLICO
DJ SHUSHUPE
F/E/A
GIOVANNI CIDREIRA
HEAVY LUNGS
LINA & RAÜL REFREE
MOUNQUP
MUNTCHAKO
NØGEN
PRIMAS HERMANAS
SAÏM
SURMA
THE PSYCOTHIC MONKS
THE ZEPHYR BONES
YO DIABLO
EDSUN
LA HABITACIÓN ROJA + “IN THE
MIDDLE OF NORWAY” DOKUMENTALA
Kalamua da gure inguruan gehien kontsumitzen den droga ilegala. Eusko Jaurlaritzaren azken inkestaren arabera, 15-19 urtekoen arteko hirutik batek probatu egin du, % 24k azken urtean kontsumitu du eta % 9,9k azken hilabetean. Aurreko urteekin alderatuz, joera goranzkoa da. Horretan hasteko batez besteko adina 16 urte ingurukoa da.
Nolako hedadura duen kontuan izanda, egokia dirudi ekintzak bultzatzea erabakiak hartzeko orduan informatuta egon daitezen. Horretarako, Udalaren Drogamendekotasunen Sailak udalerriko ikastetxeei eskaintzen dien programa multzoaren barruan, honako ezaugarri hauek dituen ekimena aurkezten dugu:
– Zortzi panelez osatutako erakusketa elebiduna da, kalamua kontsumitzearen arrisku nagusiei buruz oinarrizko informazioa dakarrena.
– 14-18 urteko ikasleentzat da (DBH, Batxilergoa, LH, Oinarrizko Lanbide Heziketaren Udal Institutua…).
– Santa Klaran egongo da ikusgai (Casilda Iturrizar 10), 2019ko urriaren 21etik 31ra.
– Bisitak ikasgeletako talde naturaletan egingo dira (20 bat lagun ingurukoak).
– Bisitaren iraupena ordubetekoa izango da.
– Arlo horretan formazioa eta esperientzia duen pertsona batek gidatuko du.
– Hezitzaileek liburuxka baten ale batzuk jasoko dituzte, taldeko kideentzat.
Zure ikasleek erakusketa bisitatzea nahi baduzu, hori kudeatzen duen taldearekin urriaren 11 baino lehen harremanetan jar zaitezke, egunaren eta orduaren erreserba egiteko: 944.425.784.
Publiko guztientzako programazio
zabala izango du: Hiru3 Jaia, ‘Go!azen 6.0’ aurrestreinaldia, Oholtzan eta
Imagin Gaztea (Rural Zombies + Izaro + Belako). EiTB Maratoiari babesa
eskainiko zaio.
Aurtengo EiTB Jaiaurriaren
12an egingo da, Barakaldoko
BECen. EiTB taldeak urtero antolatzen duen ekimena da hau: 14 orduko festa, euskaraz.
Aurten, gainera, izaera sozial berezia izango du, EiTB Maratoiarekin bat egingo baitu jaiak. Hala, egun
osoan zehar izango diren jardueretan bildutako dirua haur minbizia ikertzera
bideratuko da.
Urtero
bezala, programazio eskaintza zabala izango du EiTB Jaiak, publiko guztientzat:
haur eta familiak, nerabeak, gazteak eta helduak.
Hala, 4 ekitaldi handi izango
dira egunean zehar, guztiak BECen eta adin tarte bakoitzari egokituta:
1. Hiru3 Jaia:
2. pabiloian, 11:00etatik 17:00etara. Sarrera
librea eta doakoa. Hiru3 klubaren jaia
da hau, eta haur eta familiei dago zuzenduta. Guztira, 10.000 metro karratu izango
ditu, txikientzako eskaintza zabalarekin: tailerrak, ludoteka, puzgarriak,
pista amerikarra, laser labirintoa, sormen eta atsedenerako guneak, fanzona
(telebista marrazki bizidun ezagunenenekin) eta ikuskizunen gunea. Bertan, ‘Ene kantak’, ‘Kantu Kolore’ eta ‘Go!azen’ taldeek emanaldia eskainiko
dute. Guztira, 20 espazio jarduera eta ikuskizunekin,
etenik gabe, eta doan.
2. ‘Go!azen 6.0‘ denboraldi berriaren aurrestreinaldia:
4. pabiloian, CUBEC! aretoan, 17:30ean. Bertan egoteko, sarrera erosi beharko
da eta sarrera horrekin ekarpena egingo zaio 2019ko EiTB Maratoiari. ‘Go!azen
6.0’ telesailaren denboraldi berria udazkenean hasiko da ETB1en, aktore berriekin.
Telebistako emanaldia baino lehen, baina, lehen atalaren aurrestreinaldia
pantaila handian ikusteko aukera izango da, urriaren 12an, EiTB 2019 jaiaren
barruan. ‘Go!azen’en abentura berrien hasiera BECen ikusteko sarrera erosi
beharko da, eta sarrera horrekin, gainera, ekarpena egingo zaio aurtengo EiTB
Maratoiari, haur minbizia ardatz izango duen edizioan. Hala, aurrestreinaldiko
sarrerek 3 euroko prezioa izango dute (BEZa eta gastuak barne), eta horietatik
2 euro ikerkuntzara bideratuko dira. Sarrerak salgai daude EiTB
Jaiaren webgunean.
3. Oholtzan
Jaia: 2. pabiloian, 20:30ean. Sarrera librea eta doakoa.
2019ko EiTB Jaian Oholtzan saioaren grabazio berezia egingo da (ETB1en ikusgai
izan ohi da Oholtzan, larunbat gauero). BECeko emanaldi berezi honetan hainbat zuzeneko
ikuskizun izango dira: Los
Txikis, Bankako Menditarrak eta Puro Relajo taldeak. Horrez
gain, Bilboko Koral Elkarteko Euskeria Koruko eta Atarrabiako Paz de Ziganda
Helduen Abesbatzako kideek abestuko dute, eta Aitor Mendiluze bertsolaria eta Jaione Olazabal abeslaria
ere izango dira taula gainean. Dantza
taldeak ere ez dira faltako hitzordu berezi honetan: Andoni
Aresti dantza eskolako kideak eta Jose Mari Orbegozo Dantzaki eskolako
dantzariak. Ilaski Serranok eta Ibon Fernandezek aurkeztuta, gaua dantzaz eta
doinuz jantziko dute guztiek: bertsoak, abesti tradizionalak, mariatxiak,
bilbainadak, euskal dantzak… Larunbat gaueko ikusleek ondo dakiten bezala,
abestea, dantzatzea eta ondo pasatzea da asmoa.
4. Imagin Gaztea Kontzertua: Rural
Zombies + Izaro + Belako:4. pabiloian (CUBEC!
aretoan), 22:00etatik aurrera. Bertan egoteko, sarrera erosi beharko da. Imagin Gaztea
Kontzertuarekin bukatuko da aurtengo EiTB Jaia BECen, eta hiru talde izango dira
CUBEC aretoko taula gainean: Rural
Zombies, Izaro eta Belako. Gaztea
irratiak antolatutako kontzertuak dira, imaginBank-en babesarekin. Sarreren prezioa 12 eurokoa izango
da eta sarrerarekin, gainera, ekarpena egingo zaio 2019ko EiTB Maratoiari,
sarrera bakoitzeko 3 euro maratoiarentzat izango baitira. Haur minbizia da aurtengo
maratoiaren ardatza. Sarrerak salgai daude EiTB
Jaiaren webgunean.
Musika gure herri eta hirietako plazetako protagonista da festetan. Horretaz gain, azken urteotan jaialdi ugari antolatzen dira. Horietako batzuek urte asko daramatzate, eta beste batzuk berriak dira. Zuzeneko musika onenaz gozatzeko musika ekitaldiak biltzen dituen zerrenda bat osatu dugu.
Maiatza
Maiatzean MAZ Basauri jaialdiak, musika eta zine emanaldiak eskaintzen ditu gazte zein helduentzat Basauriko txoko ezberdinetan. Sasoi berean, Sahararen aldeko lagunek Iurretan Rio de Oro festibala antolatzen dute, musika, dantza eta bestelako ekimenak uztartuz. Uso Pop jaialdiak proposamen alternatiboak dakartza iparraldera, Lizarrietan (Sara) egiten den jaialdira.
Ekaina
Rock doinu indartsuek hartzen dute Gasteiz, ekainean. Azkena Rock jaialdiak nazioarteko ospea hartu du rockaren izar handienak ekartzen dituelako. Hamar urtetik gorako ibilbidea duen jaialdi honek doinu horretako erreferentzia nagusiak biltzen ditu, eta rockzaleen ezinbesteko hitzordu bilakatu da. Garai berean ospatzen dute Euskal Herria Zuzenean jaialdia. Nazioarteko talde esanguratsuenak tokiko taldeekin nahasten ditu Heletako jaialdiak.
Uztaila
Uda giroarekin batera, gure herri eta hirietako agendak jaialdiz betetzen dira. Getxoko, Gasteizko eta Donostiako nazioarteko jazz jaialdiek genero horretako izar nagusiak gerturatzen dizkigute Europako Jazz zirkuitu garrantzitsuenetakoari esker. Horiez gain, Hondarribiko Blues Jaialdia eta Bilboko BBK Live (nazioarteko pop jaialdi garrantzitsuenetakoa) ospatzen dira. Armintzan bestalde, Txapel Reggae jaialdiak dantzarako giroa sortzen du. Rock indartsua gustoko dutenek Hatortxu Rock jaialdia zain dute Lakuntzan.
Abuztua
Doinu klasikoak dira protagonista Donostian egiten duten Musika Hamabostaldian. Izen handiko ekitaldiek konpositore handienen piezak hurbiltzen dizkigute.
Iraila
Folk doinuek Getxo betetzen dute irailean, Getxo Folk jaialdiarekin, nazioarteko folk artista esanguratsuenak biltzen baititu. Donostiako hipodromoan Kutxa Kultur Festibala jaialdia egiten dute. Ertz beste musiken jaialdiak esperimentazioaren mugak erakusten ditu hainbat tokitan osatzen duten egitarauari esker.
Urria
Gasteszena aretoa pop-rock musikaz betetzen da Donosti Kluba jaialdiari esker. Beasainen, Jazpana, musikaz gain kale kultura eskaintzen duen jaialdia egiten dute.
Azaroa
Nazioarteko Arte Esperimentalen Jaialdia, MEM, Bilbon egiten dute, azaroan. Irurtzunen, berriz, Pikurock egiten dute, eta Ordizia munduko musikaz betetzen da Sustraiez Blai jaialdiari esker. Hilabete honetako klasiko bat Bilboko Kafe Antzokian egiten duten Bilboloop jaialdia da.
Abendua
Urtea amaitzeko Walk On Project (gaixotasun arraroak ikertzeko dirua biltzea du helburu) jaialdiak talde ezagunak ekartzen ditu urtero.
MTV telebista kateak Berri Txarrak taldearekin itxi du MTV World Stage Bilbao kontzertuko kartela. Muse eta Crystal Fighters ere arituko dira, eta sarrera guztiak salduta daude.
Berri Txarrak taldea ere San Mamesen egongo da azaroaren 3an, Muse eta Crystal Fightersekin batera, MTV World Stage Bilbao kontzertuan, telebista kateak iragarri duenez.
Kontzerturako bost euroan salgai jarri ziren 38.000 sarrerak (erdiak bizkaitarrentzat erreserbatuta) ordu gutxian bukatu ziren. Beraz, ez dago txartelak erosteko modurik.
San Mameseko kontzertuak itxitzat emango du MTVk aste horretarako Bizkaian antolatu duen kontzertu errenkada, eta, era berean, MTV EMA Bilbao sariak banatzeko ekitaldiaren atarikoa ere izango da. Azaroaren 4an egingo dute gala hori, 21:00etatik aurrera, Bilbao Exhibition Centren.
Aurtengo bigarren Zinemaren Jaia da, eta estatu espainiarreko zinema aretoetan egingo dute.
Arabako, Bizkaiko, Gipuzkoako eta Nafarroako zinema aretoetarako sarrerek 2,90 euroko prezio murriztua izango dute urriaren 1, 2 eta 3an, Zinemaren Jaia dela eta. Aurtengo bigarrena izango da.
Txartelak prezio murriztuan lortzeko modua aurreko edizioetako berbera izango da: 14 urtetik beherakoek eta 60 urtetik gorakoek izan ezik (horiek ez dute ezer egin beharko),ikusleek akreditazioa bete beharko dute, datorren astetik aurrera, Zinemaren Jaiaren webgunean.
Sarrerak, berriz, hiru bide erabiliz eskuratu ahalko dira: aretoetako txarteldegiak, aretoen atarietako salmenta kutxazainak eta internet bidezko ohiko salerosketa sareak.
Badakizkigu “Bilbao Hiria Pop Rock Lehiaketa”-ren hurrengo edizioan Bilborockeko oholtzara igoko diren 32 taldeen izenak! Gazte eta ez profesionalak diren taldeak laguntzea du helburu Udalak, eta horretarako, parte hartuko duten bandek estatuko zein atzerriko beste talde batzuekin eszenatokira igotzeko, zein euren talentua zabaltzeko aukera izango dute.
Lehiaketa hiru modalitate ezberdinetan dago banatuta: ohikoak diren Pop Rock eta Metal, eta aurten berri bezala sartu den Urban kategoria. Aditu talde batek aukeratu ditu 32 taldeak. Hona hemen aurtengo edizioan parte hartuko duten taldeak:
Pop Rock:
1. Destino 48 (Asturias)
2. Los Invaders (Valencia)
3. Fru Kantika (Valencia)
4. Hyedra (Gipuzkoa)
5. Killerkume (Bizkaia)
6. Kings of the Beach (Pontevedra)
7. Lady Banana (Zaragoza)
8. Laverge (Valencia)
9. Mama Killa (Francia)
10. Yo, Gerard (Bizkaia)
11. Poolshake (Murcia)
12. Purple Vellocet (Bizkaia)
13. Rym (Granada)
14. Giante (Araba)
15. Wizard (Francia)
16. Yawners (Madrid)
Metal:
1. Saltimbankya (Barcelona)
2. Perpetual Night (Granada)
3. Next step (Madrid)
4. Manipulation (Polonia)
5. Physis (Sevilla)
6. Trallery (Islas Baleares)
7. Incursed (Bizkaia)
8. Mise en Abyme (Gipuzkoa)
Urban:
1. Beatlove (Sevilla)
2. Boyanka Kostova (A Coruña)
3. El Prince (Valencia)
4. Esteban & Manuel (A Coruña)
5. Kvalvika (Gipuzkoa)
6. Shintoma (Bizkaia)
7. Ttun Ttun Brigade (La Rioja)
8. VVV (Trippin´you) (Madrid)
Kontzertuak irailaren 13an hasi eta urriaren 20an amaituko dira. Kategoria bakoitzeko irabazleak aukeratzerako orduan, publikoaren botoa kontutan hartuko da, epaimahaiaren emandako botoez gain. Bozketan parte hartzen dutenek 2019ko BBK Live jaialdirako 10 bonu eta 2019ko Resurrection Fest jaialdirako 3 bonu lortzeko aukera izango dute.
Orotara, 22.900 euro banatuko dira sarietan: 12.000 euro lehenengoen artean eta 6.000 eta 3.900 euro bigarren eta hirugarrenen artean. Era berean, 1.000 euroko balioa duen Epaimahaiaren sari berezia ere jasoko du Bizkaiko talde edo bakarlari onenak.
30. urteurrena ospatuko du lehiaketak aurten. Aurreko 29 edizioetan zehar, 22.270 taldek jo dute, 1.359 kontzertu eskaini dira eta 135.000 pertsona hurbildu dira kontzertuetaz gozatzera. Gainera, hainbat talde ezagun pasa izan dira lehiaketa honetatik: Platero y Tú, Su Ta Gar edo Zea Mays, besteak beste.
Parte hartzeko baldintzen artean daude talde europarrak izatea, 18-35 urte bitarteko partaideek osatzea eta bi disko baino gehiago ez edukitzea.
Hogeita hamar urte beteko ditu aurten Bilba Hiria Pop-Rock lehiaketak, eta berritasunak dakartza edizio honek. Izan ere, pop-rock eta metal estiloak ez ezik, urban musikak ere izango du lekua.
Hala, maiatzaren 2tik 31ra arte jasoko dituzte parte-hartzaileek bidalitako lanak. Betiere, lehiaketak zehaztutako baldintzak bete beharko dituzte igorritako abestiek: besteak beste, talde europarrak izatea, partaide guztien adina 18 eta 35 urte bitartekoa izatea eta disko bi baino gehiago ez edukitzea.
Ohi bezala, sari potoloak banatuko ditu lehiaketak; guztira, 22.900 euro eskudirutan eta Aste Nagusiko egitarauaren parte izateko edota Azkena Rock jaialdian aritzeko aukera. Gainera, Bilboko Shake eta Bilborock aretoetan jotzea eskainiko diete irabazleei.
INFORMAZIO ITURRIA: www.eitb.eus
Web orri honetan egiten duzun nabigazioaren inguruko datu estadistikoak lortzeko eta 13/2012 Errege-Dekretu legea betetzeari dagokionez, zure baimena eskatzen dugu. Nabigazioa jarraitzearen kasuan, cookien erabilera onartzen duzula deritzogu.OnartuGehiago irakurri
Privacy & Cookies Policy
Privacy Overview
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
